Sigmundur í Sheffield

Guess what - I'm still alive

2009-05-06T21:15:00.004+01:00

Verð að biðjast velvirðingar á bloggleysinu, en vonandi fer ég að bæta eitthvað úr því. Hmm... hvað er í gangi hjá mér. Það er skilatörn í gangi í skólanum, skilaði fimm verkefnum í síðustu viku, og eru fimm í viðbót á önninni. Þar að auki skilum við af okkur rakvélaverkefninu þarnæsta mánudag. Það verður kynning á rakvélunum sem allir voru með. Hópurinn okkar er búinn að vera lang-duglegastur og hefur á lítilli sem engri hjálp þurft að halda. Það er þrátt fyrir að tveir, af fimm, í hópnum hafa nánast ekkert gert. Við höfum allavega kvartað til verkefnisstjórans og fáum að meta framlag hvorra annarra. Á morgun ætlar hópurinn síðan að hittast og ganga frá lausu endunum í verkefninu.
Í morgun kom mér ansi mikið á óvart að sjá ref á leiðinni í skólann. Náði meira að segja að smella mynd af kauða.

Þetta er sérstaklega óvenjulegt þar sem ég bý í miðbænum, örugglega meira en kílómetra frá næsta almennilega gróna svæði.
Ég fór síðan á seminar um eftirmiðdaginn. Það var gaur frá Oxford að ræða um "multiscale modelling" og köngullóar silki. Hann er semsagt búinn að þróa frekar einfalda leið til að meta macro skópíska eiginleika frumefna og einfaldra fjölliða út frá nano-skópískum módelum. Þetta er ekki sérstaklega merkilegt nema hvað að hann er að gera þetta á nokkrum klukkustundum á venjulegri tölvu, frekar en á tölvu-cluster. Það sem var þó áhugaverðast var rannsóknir hans á silkinu. Hann er semsagt að reyna að sýna fram á hvernig köngullær búa til mismunandi silkiþræði með mismunandi eiginleikum. Silkiþræðirnir geta nefnilega haft Youngs modulus á bilinu 5-10kPa upp í 20GPa.
Annars er ekkert annað að segja.
Hafið það gott... og vonandi er einhver ennþá að tékka á blogginu.

Bland í bloggi

2008-10-19T18:58:00.002+01:00

Graphite og graphene

Jæja... það hefur ýmislegt áhugavert átt sér stað síðustu vikuna. Ég fór á áhugaverðan fyrirlestur síðasta miðvikudag. Fyrirlesturinn fjallaði um eitt ódýrasta og dýrasta efnið í heiminum. Efnið er kolefni, eða frekar efni búið til úr kolefni sem heitir graphene. Um er að ræða stök lög af grafíti (eins og finnst í blýanti). Undirfyrirtæki University of Manchester er að selja slík stök lög af grafíti á 2 pund fyrir hvern fermíkrómetra. Ef maður reiknar út kílóverðið þá er það um 10^16 pund. Sem þýðir að Bandaríkin gætu keypt eitt gramm á ári ef þeir fórnuðu allri þjóðarveltunni. Ástæðan fyrir verðinu er einfaldlega þar sem þeir hafa ekki getað fundið neina leið til að framleiða graphene á stórum skala. Þeir eru semsagt núna að nota þunn lög af grafíti sem taka í sundur, aftur og aftur, þar til þeir ættu að vera komnir með eitthvað graphene. En það tapast meiri hlutinn af efninu þar sem lögin vilja helst ekki losna í sundur. Þeir hafa þó gert ýmislegt áhugavert með þetta efni, s.s. að búa til rafrásir á örsmáum skala.
Í gær fór var mér síðan boðið í hádegismat, ásamt John, til Baron Dr. David Harvie Kirkwood. Nei, hann er ekki einhver ofur-uppi. Hann er fyrrum prófessor í deildinni minni, og nágranni Johns. Við sátum að spjalli í fjórar klukkustundir, og var þá mikið talað um stöðu Íslands. Sem betur fer voru þau tóku fréttaflutning síðustu vikna með takmarkaðri alvöru, og voru almennt jákvæð í garð íslendinga. Við ræddum aðeins um mín plön varðandi frekara nám. John sagði að David hefði brugðist vel við að ég skildi vera nú þegar farinn að hugsa til doktorsnáms. Sjálfur fannst mér hann ekki bregðast neitt sérstaklega við. En þau buðu mér að líta við aftur við tækifæri fyrir frekara spjall. Ég lít á þetta allt sem frekara framapot að minni hálfu, þar sem David er ennþá í samskiptum við marga menn innan minnar deildar. Ég vonast því til að þetta muni verða til þess að fleiri prófessorar í deildinni minni taki eftir mér. Eins og staðan er í dag er alltaf gott að vera með góð sambönd innan síns fags.

Heimur versnandi fer!!!

2008-10-09T13:12:00.002+01:00

Það hefur verið ansi áhugavert að hlusta á íslenska og breska fjölmiðla er efnahagur okkar hrinur. Þegar ég skrifa þetta þá hefur Kaupþing, síðasti íslenski bankinn, einnig hrunið. Var einmitt að heyra í Ingó B., frænda, í viðtali við BBC Worldservice um Kaupþing. En ég nenni ekki að fara nánar út í fjárhagslega heilsu Íslands.

Vikurnar hafa liðið hratt hérna úti. Var veikur meiri hluta síðustu viku með einhverja leiðindaflensu. Ég hef þó að mestu leiti jafnað mig á henni, þótt ég sé enn hóstandi. Skólinn virðist mun áhugaverðari en á síðasta ári. Það er mun hnitmiðaðra námsefni í ár, þá sérstaklega varðandi framleiðsluaðferðir. Síðan eru verklegu tímarnir mun áhugaverðari. Á þriðjudaginn fengum við að leika okkur með SEM (rafeindasmásjá). Okkur var kennt að stilla smásjána og fókusa á mismunandi hluti. Síðan eigum við að mæta í næstu viku með einhverjar tillögur að hlutum til að taka myndir af með smásjánni og vinnum síðan verkefni út frá því sem fyrir valinu verður. Eftir það fáum við kynningu á TEM (Tunneling electron microscope). Við fáum þó ekki að vinna verkefni með þeirri smásjá. Hins vegar snúum við okkur að "reverse engineering" á ýmsum daglegum hlutum, þar sem farið verður í almennar framleiðsluaðferðir og göllum þeirra. Annars er frekar fátt að frétta. Læt heyra í mér seinna.

P.S. Ég er kominn með netsíma og númerið er 4991001.

Sheffield WOOHOOOOOOOO!!!!

2008-09-23T20:53:00.004+01:00

Jæja.... þá er maður kominn aftur til Sheffield. Lenti í langri röð í passaskoðuninni, en slapp samt ágætlega vel gegnum allt kerfið. Sem betur fer beið John eftir mér hinu megin (hefði annars þurft að bíða í tvo tíma eftir lest). Ég gisti síðan hjá honum fyrstu nóttina. Um tvö leitið flutti ég síðan inn í nýju íbúðina. Hún er helvíti flott, og þá sérstaklega herbergið mitt. Það er ekkert smá flott, á sama skala og herbergið mitt á Látraströndinni. Síðan er baðherbergið svo stórt að hægt væri að setja inn tvíbreitt rúm. Ætli það verði ekki gestaherbergið mitt :-D. Annars er fátt annað að frétta. Set inn nokkrar myndir af herberginu að lokum. Læt síðan heyra í mér þegar ég hef komið mér almennilega fyrir.

Long time, no see!!!

2008-06-03T18:13:00.002+01:00

Loksins dröslast ég til að skrifa eitthvað. Það er búið að vera brjálað að gera í skólanum fram að prófum, og núna eru prófin sjálf byrjuð. Fór í fyrsta prófið mitt í gær, og gekk bara vel. Þetta var próf í Electrical and Magnetic Properties of Materials. Fer síðan í próf í Thermodynamics and Kinetics á fimmtudag og Introduction to Advanced Materials Processing á föstudag. Síðan er ég með upprifjun í stærðfræði um næstu helgi fyrir þá sem hafa ekkert lært í vetur. Að lokum eru síðan síðustu prófin á þriðjudag og miðvikudag í næstu viku, stærðfræði og Microstructure and Mechanical Properties of Materials. Þannig að það er ekki of langt í próflok.
Við ætlum síðan öll saman í deildinni út að borða eftir síðasta prófið, og höldum almennilega upp á þetta. Julian er officially hættur í skólanum, ekki búinn að mæta í nein próf, og ætlar að flytja til Madrid á næsta ári. Ætlar að vera hjá kærustunni og læra spænsku á meðan hann ákveður hvað taki næst við. Manuela er búin í prófum og fór heim í gær. Raj er í sömu stöðu og ég, að drukkna í próflestri.
Eftir prófin er það bara að pakka saman, skreppa til Manchester til eins félaga míns um 18. og fljúga heim 20.
Vonandi sakna mín allir mjög mikið!!! ;-D

Góðar og slæmar fréttir

2008-05-07T23:17:00.003+01:00

Byrjum á þeim góðu... fór á fund með Prof. Harding í dag varðandi verkefnið. Var í vandræðum með að reikna hitaleiðni. Eftir að ha nn kom með nokkrar mögulegar lausnir á vandamálinu stakk ég upp á því að hitabreyting, og þarmeð hitaleiðni, myndi fylgja vísisfalli þegar hitinn er að jafnast út í filmu með greinilegan hitastigul (temperature gradient). Hins vegar sagði Harding að honum hefði aldrei dottið þetta í hug, og hafði aldrei heyrt um þetta í tengslum við svona módel. Hann sagði að þetta ætti að virka, eðlisfræðilega, og vildi endilega að ég prófaði þetta.
Síðan eru tvennar slæmar fréttir. Í fyrsta lagi, síðasta föstudag hitti ég hinn íslendinginn í UShef. Ég var bara á göngu eftir Glossop Road á leiðinni í skólann, og allt í einu fer einhver að tala íslensku við mig. Þetta er kona sem er að taka, ég held master, í public relations. Þetta skiptir ekki svo miklu máli, nema hvað að þegar ég var að rannsaka háskóla útilokaði ég umsvifalaust alla skóla þar sem ég vissi að íslendingar væru í námi. Ég vildi ekki enda á því að hanga bara með íslendingum.
Seinni slæmu fréttirnar eru að Julian er að spá í að hætta í skólanum. Honum finnst fagið sitt svo leiðinlegt, og langar til að fara til Munchen í tölvuleikja-nám. Þótt það gæti örugglega verið eitthvað sem hentaði honum vel, held ég að hann sé ekki alveg að skilja að fyrsta árið er yfirleitt það leiðinlegasta sama hvaða námi maður er í. Þetta myndi þýða að ég missti einn af bestu vinum mínum hérna og framtíðar herbergisfélaga. Ég vona bara að hann verði ánægður með hvað sem hann gerir.

PhD pælingar

2008-04-30T12:29:00.002+01:00

Það er búið að vera brjálað að gera hjá mér upp á síðkastið og sé ég fram á að þannig verði það áfram. Eins og ég hafði nefnt áður þá hafði ég átt orð með Dr. Palmiere varðandi simulation sem hann hafði sýnt í tíma. Hann hafði ætlað að senda mér upplýsingar, en hafði ekki látið verða af því. Ég greip hann því á mánudaginn eftir tíma og fylgdi honum á skrifstofuna hans. Hann lét mig fá slatta af gögnum up þessa tegund af simulation. Við spjölluðum líka um hitt og þetta, ss hvaðan ég kæmi og hvað ég ætlaði mér. Þar kom í ljós að ég þyrfti ekki að vera kominn með master áður en ég færi í PhD rannsóknir. Hann sagði að ég myndi aðeins þurfa BEng með meðaleinkunn yfir 60%. Það hljómar ansi freistandi, en ég hef núna ár til að ákveða hvað ég ætla mér að gera.
Annars er maður bara krepera út af þessu verkefnaflóði. Ég þarf náttúrulega að gera meira en flestir af því ég er einnig með verkefnisskýrsluna. Annars sér maður bara fram á próflestur og verkefnavinnu næstu vikur.

Verkefnaflóð

2008-04-27T02:10:00.004+01:00

Jæja... ég fundaði með Prof. Harding á miðvikudag og ákváðum við að ég ætti að drífa mig núna að skrifa skýrslu um 2D hlutann. Auk þess fékk ég að keyra kóðann minn á litla deildar-clusternum, þ.e. 72 tölvur með AMD dual core Opteron örgjörvum. Þegar nær dregur prófum, eða jafnvel eftir próf, get ég keyrt 3d hlutann af verkefninu á clusternum, en þar sem það mun taka lengri tíma þarf ég að einfalda kóðann alvarlega.
Svona til þess að útskýra hversu marga útreikninga þarf að framkvæma settist ég niður með reiknivélina mína. Því miður var hún ekki nærri því nógu öflug til að reikna það út þannig að ég setti tölurnar inn í Mathematica og fékk út fjölda útreikninga í einni keyrslu. Ein keyrsla er 10000 tímaskref og á hverju tímaskrefi eru kraftar milli allra atóma reiknaðir tvisvar. Það sem mathematica gaf mér semsagt var:
131859537889366691821423625514935758269426899542573
193011014417599850974231681049114195914115835202238
036705447724697376139750030552505771632922773822768
414517368225448024444767906232025040880815479726521
477409877171091104157157185050947098045006503961053
980200881709837465653878319494261753336312446474835
221452248553677974400818929315504130412447077035924
252472130007076438618284215973845286866389853179167
985550696034590084780554719437972204553089906550018
088245452667293535225573976115505908135476538810987
863970577322091833053266187353726583587174531083653
590012413072260973733797748804872372931062002007642
692558543372905224694212893680289719163090470810975
244696371332056040106336881346854536819542433114841
387509620326135550762822497885395254224295238894062
963988155175245670949334261907191274282037432443822
184968974298461009991660066959056746528035614373955
160682987432362169469493181517466346158102987296118
508543957848997984952184124987419046172133185696551
140376012788782239174304580484305540459166841206328
196399943426058273716977708864511019672918469443386
342425287324888284992436007745428726394306115606154
363145133241422658207206671712177432542407387539767
677967607575604045072266046343103883930698238930132
806682651901916735622877402331811672330267498585112
389725252913746977093949606675060609683458944470982
137719012248711125270093564674476974098408430269043
536020340439420821544853548488511777805591572178555
251983408494600131857874944000000000000000000000000
000000000000000000000000000000000000000000000000000
000000000000000000000000000000000000000000000000000
0000000000000000000000000000000000000027040000

útreikningar á keyrslu.
Athugið að þetta eru ekki allt einfaldir útreikningar. Þarna inni eru úreikningar með 12 og 6 veldis tölum.
Þetta er semsagt ansi mikið af útreikningum. Þegar farið væri síðan í þrjár víddir myndu útreikningarnir aukast til muna.
Eins og er tekur það tölvuna mína um 3 klst að framkvæma þessa útreikninga, auk þess að koma frá sér gögnunum. Í clusternum tók meðal keyrsla um 12 mínútur, sem er ansi mikið hraðar.
Framundan eru síðan bara heilmörg verkefni og síðan skýrslan um þetta verkefni.

Tölvuóskir

2008-04-22T19:14:00.002+01:00

Ég er búinn að vera svolítið slappur síðustu daga, og hef því lítið farið út fyrir hússins dyr. Ég hef þó náð að vinna ansi mikið, bæði í verkefninu og í venjulegri skólavinnu. Það versta er þó að þar sem ég hef mikið gert í verkefninu er tölvan mín ansi mikið upptekin. Hver keyrsla tekur 2-3 klst og notar svo mikið minni og örgjörvaafl að ég get ekkert unnið á meðan. Maður er farinn að sakna þess ansi mikið að hafa tvær tölvur, eins og ég hafði heima. Fer á fund með Dr. Harding á morgun og er að vona að ég fái að sitja í tölvuclusternum í skólanum um helgina. Þá get ég verið að vinna á fartölvunni á sama tíma og ég keyri módelin á clusternum. Clusterinn er líka ansi mikið öflugri þannig að módelin ættu að keyra miklu hraðar.
Annars er asnsi mikið að gera almennt í skólanum, með 6 verkefnaskil á næstu 2 vikum. Það eru síðan aðeins 4 vikur í próf og er smá stress farið að sýna sig í skólanum. Annars er fátt að frétta. Blogga meira síðar í vikunni.

Hitt afmælið

2008-04-12T16:21:00.002+01:00

Úfff.... ég er að jafna mig eftir tvöfalt afmælisparty í gær. Matt átti afmæli í dag, og ég náttúrulega um síðustu helgi, og héldum við risa party til að halda upp á það. Matt er greinilega mikið afmælisbarn... þar sem drengurinn bakaði kökur og fjárfesti í tveimur borðum til að geta spilað beer pong. Annars var bara djammað fram eftir nóttu og mættu um 30-40 manns. Nokkrir úr deildinni minni gáfu mér síðan afmælisgjöf, beer brewing kit, sem inniheldur allt sem þarf til að búa til bjór, nema kannski baðker. Þetta var mjög gaman.

Annars er fyrstu viku eftir páska lokið. Skilaði af mér tveimur verkefnum og fór á fundi með tveimur kennurum. Síðasta mánudag greip ég Dr Palmiere eftir tíma til að spyrjast fyrir um "grain growth" módel sem hann hafði sýnt nokkru áður. Var bara ekki að átta mig alveg á því hvernig þetta virkaði og vildi vita meira. Maðurinn leit á mig eins og ég væri geðveikur að spyrja um eitthvað svona, en samþykkti loks að senda mér gögn um þetta. Síðan var fundur með Prof. Harding. Hann var mjög ánægður með það sem ég hafði gert. Síðan sýndi hann mér eitt af því sem hann var að vinna í. Þetta voru rannsóknir á ákveðnu próteini sem á þátt í myndun skurnar á eggjum. Þetta var brjálæðislega flókið prótein og er módelið svo flókið að í sumar þegar verkefninu er lokið mun það hafa tekið um 20% af tölvuvinnslutíma í UK-Universities-Supercomputer fyrir heilt ár.

Ég á stundum til að fá "æði" fyrir ákveðnum efnum og lesa allt sem ég finn um þau. Í síðustu viku byrjaði gengja-æði. Ég fann tvær heimildarmynda-seríur um gengi og varð algjörlega sjokkeraður. Eitt af því sem hafði þessi áhrif á mig var aldur margra sem voru í þessum gengjum og hvað þetta fólk var alveg sátt við að deyja eða enda í fangelsi. Jafnvel ungt fólk úr ágætlega vel stæðum fjölskyldum talaði um alvarlega glæpi sem það framdi eins og ekkert væri sjálfsagðara. Maður trúði varla hversu blint þetta fólk var. Það merkilegasta var þó að nánast allir lögreglumennirnir sem talað var við sögðu að þegar þeir fóru að spyrja meðlimi gengjanna af hverju þeir væru í gengjunum eða hvað þeir ættu sameiginlegt með gengjunum gátu þeir ekki svarað. Merkilegt hvað það er auðvelt að vera svona blindur fyrir sannleikanum.

Afmæli

2008-04-07T22:45:00.002+01:00

Ég átti nú afmæli í gær. Orðinn kvartöld núna og ætla að fara að panta á elliheimili. En ég vil byrja á að þakka öllum fyrir afmæliskveðjurnar og símtölin. Ég kunni vel að meta það.
Á laugardagskvöldið hélt ég smá matarboð þar sem ég bauð upp á íslenska matseld. Hangikjötið lagðist vel í fólk en við vorum aðeins þrír sem kunnum að meta graflaxinn. Annars var svo drukkið fram á nótt, og skálað í Veuve Clicquot kampavín á miðnætti.
Veðrið hefur síðan verið ansi skrítið hér síðustu viku. Á miðvikudag varð rosalega hlýtt og gat ég verið í stuttbuxum á nóttunni. En á laugardag og sunnudag fór að snjóa.
Annars er frekar fátt í fréttum. Skólinn byrjaði aftur í dag, og það verður nóg að gera á næstunni.

Aleinn

2008-04-01T01:26:00.002+01:00

Jæja, þá eru mæðgurnar farnar, og ég aleinn og yfirgefinn. Það var rosalega gaman að fá þær, og var John mjög góður að keyra út um allt með okkur. Fékk einnig afmælisgjafir á meðan dömurnar voru í heimsókn, golfkylfur, skór, hanskar og kúlur auk þess sem amma færði mér innrammað kort af Skandinavíu. Nú tekur við lærdómur í viku áður en skólinn kemst aftur á skrið. Á laugardaginn verður síðan matarboð að miklu leiti í boði múttu og ömmu. Þar mun ég bjóða upp á hangikjöt, graflax og reyktan silung, auk veglegra veiga.
Á sunnudaginn var fór ég síðan og vígði nýja golfdótið. Fór til Moor View Golf Centre og sló þar 360 kúlum á æfingasvæðinu. Gekk ekki svo rosalega illa, miðað við hvað það er langt síðan ég tók í kylfu. Trén neituðu að fljúga beint og langt, voru eitthvað hægri-sinnuð þennan daginn. Aðrar kylfur reyndust betur og var gekk mjög vel með wedge-in. Ég stefni á að reyna að finna kennara á næstu viku og fá aðstoð við að leiðrétta sveifluna. Það má geta þess að innan marka Sheffield er ansi margir golf vellir: Hallamshire, Hillsborough, Beauchief, Abbeydale, Concord, Birley Wood, Dore & Totley, Lees Hall, Tinsley Park auk vallanna í Rotherham og Doncaster. Ætla að reyna að vera tilbúinn að spila fyrir sumarið, og reyna að spila eitthvað heima. Þegar ég kem aftur hingað í haust ætla ég að ganga í klúbb reyna að spila mikið næsta vetur.
Annars er fátt að frétta. Læt heyra í mér undir lok viku.

P.S. Reglubreytingar í F1 eru gerðar til að ekki sé of mikill munur milli liðanna hvað tæknina varðar. Auk þess er verið að leggja áherslu á færni ökumanna.

F1

2008-03-16T17:35:00.003Z

Eins og aðrir F1 áhangendur vakti ég í nótt til að horfa á fyrsta kappakstur ársins í morgun. Það var Ástralíu-kappaksturinn og var hann bara ansi spennandi. Mikið af árekstrum og mistökum, og sakaði ekki að mínir menn, McLaren, tóku fyrsta sæti með undrabarninu Hamilton. En er ég horfði á kappaksturinn fór ég að hugsa um tvennt. Í fyrsta lagi hugsaði ég aftur til besta framúraksturs seinni tíma: Hakkinen og skósmiðurinn voru að hringa Zonta, og fóru þeir sitt hvoru megin við félagann, og stal Hakkinen sigrinum þannig með glæsibrag. Hakkinen var reyndar búinn að standa sig betur í keppninni, en sat fastur fyrir aftan skósmiðinn fram að þessum framúrakstri. Set inn myndskeið af þessu hér fyrir neðan

En síðan fór ég að hugsa um eitt af því sem kynnir keppninnar sagði: Þessar vélar hafa yfir 5000 staka hluti. Fór ég þá að hugsa til thixoforming og spá hvort vélarnar væru ekki miklu sterkari ef hlutunum væri fækkað og þær thixoformed í nánast einu lagi. Þá væru vélarnar sterkari og endingarbetri auk þess sem yrðu mun færri stakir hlutir. Þetta kemur mér sérstaklega til hugar þar sem nýjar reglur kveða á um að vélin og gírkassinn verði að endast í fjórar keppnir. Bara svona smá pæling.

Síðasta einkunnin

2008-03-12T12:15:00.002Z

Síðasta einkunnin er komin í hús. Fékk 72% í PHY111-Our evolving universe. Ansi stoltur af því þar sem verkefnavinnan á önninni var 40% af einkunninni, og voru verkefnin oft mjög erfið. Þetta þýðir að ég er með 77,5% í meðaleinkunn, eða "First". Síðan byrjar páskafríið í næstu viku, og stendur í þrjár vikur. Mútta og Amma koma í heimsókn næsta mánudag, og verða í um tíu daga.
Síðan er ég bara kominn á fullt í verkefninu mínu þessa önnina. Þetta verkefni snýst um Lennard-Jones potential milli atóma og hvernig hegðun atóma sem er skotið á kristal hegða sér raunverulega. Kóðunin fyrir grunnkraftana og svoleiðis er komin vel á veg, og ætti ég að geta sett inn einhver myndbönd af þessu undir lok páskafrísins. Vonandi gengur þetta bara vel. Annars er frekar fátt á döfinni. Allir að fara annað hvort heim eða í sólstrandaferðir.

Gumslæri

2008-03-09T17:05:00.008Z

Núna er það komið á hreint að mútta og amma munu koma í heimsókn eftir rúma viku. Það verður gaman að sjá familíuna aftur. Hélt risa dinner á föstudaginn. Eldaði gumslæri fyrir 12 manns og gervikjöt handa grænmetisætunni. Heppnaðist mjög vel, en var þó ekki jafn gott og hjá ömmu.
Annars gengur lífið bara sinn vana gang. Í síðustu viku lærði ég um eitt rosalega áhugavert, þ.e. thixoforming. Þetta er aðferð til vinna málmblöndur. Málmurinn sem út kemur er að meðaltali 4 sinnum sterkari. Þar sem málmurinn er aðeins hlutbráðinn þá skreppur hann minna saman þegar hann kólnar en fullbráðinn málmur. Auk þess hefur hálfbráðni málmurinn rosalega áhugaverða eiginleika. Málmurinn hegðar sér að vissu leiti eins og hunang. Hann heldur föstu formi þar til beitt er krafti, þá er minnsta mál að smyrja honum yfir eitthvað. Set hérna inn myndir af þessum eiginleikum í áli.

Meira að gerast

2008-02-27T12:29:00.002Z

Jæja skólinn er kominn á fullt skrið. Á síðustu dögum prentaði ég glósur og slideshow fyrir einn áfangann sem nema rúmum 450 blaðsíðum!!! Þetta er svo mikið að ég fæ enga möppu hér sem rúmar þessu almennilega!!! Í gær var extra langur dagur... annars vegar þar sem ég var í tímum frá 9 til 16, hins vegar af því að ég hafði varla sofið meira en tvo tíma nóttina áður. Var kominn með ansi mikinn svefngalsa þegar deginum loksins lauk. Dagurinn var annars áhugaverður, lærði um hvernig ofurleiðarar virka. Síðan eftir verklega tímann í eftirmiðdaginn fór ég að spjalla við Dr. Morley, sem sér um verklegu tímana á þessarri önn. Komst meðal annars að því til hvers hún ætlaðist frá okkur á þessarri önn og af hverju það væri. Verklegu tímarnir hingað til hafa verið frekar ömurlegir, bæði vegna hugmyndaleysis í hönnun tilrauna og oft lélegs tækjabúnaðar, og maður hefur tekið tilraununum misvel. Hins vegar er það hennar starf að tryggja það að við getum gengið almennilega um tilraunastofurnar og skilað inn úthugsuðum niðurstöðum, þrátt fyrir áhugaleysi.
Verkefnið mitt fyrir þessa önn, í stað stærðfræðinnar, er síðan að hefjast. Verkefnið er byrjunarverkefni úr sumarskóla sem er rekinn í Sheffield fyrir doktorsnema. Það snýst aftur um sams konar hluti og á síðustu önn en er útfært með tilliti til krafta einda og orku kerfis. Þetta er þó nokkuð flóknara ferli og inniheldur mun meiri og flóknari útreikninga fyrir eindirnar. En þetta verður annars örugglega áhugavert þegar lengra er komið. Hef líka verið að spá í að nöldra aðeins og athuga hvort ég geti fengið þessar einkunnir inn í verklega áfangann frekar en stærðfræði áfangann, enda tek ég hvort eð er próf í stærðfræðinni. Annars er frekar fátt að frétta annars, ef einhver hefur skemmtilegar spurningar um námið látið mig bara vita... efast um að margir vilji að ég fari út í smáatriði á síðunni, en er samt alltaf til í það.

Ýmislegt

2008-02-22T14:35:00.002Z

Byrja á því að nefna að ég er búinn að fá þrjár af fjórum einkunnum, "óformlega". Þær voru aðeins lægri en ég var að vonast, en ég kvarta ekki.
Structure and bonding: 70%
Functional materials: 68%
Engineering Mathematics: 100%
Síðan ætla ég að leggja fram spurningu fyrir vísindaáhugamennina: Hvar er heitasti staðurinn í sólkerfinu?
Margir myndu segja inni í sólinni... en það er víst ekki rétt. Heitasti staðurinn í sólkerfinu er í Culham, Oxfordshire. Þar er rannsóknastöð sem er að vinna í kjarnasamrunarannsóknum með það í huga að skoða möguleika á orkuframleiðslu. Plasmað sem er inni í tokamakinum þeirra nær um 100 milljóna gráða hita. Ég fór nefnilega á kynningu á kjarnasamruna-raforkuframleiðslu á vegum deildarinnar síðasta miðvikudag. Það var rosalega áhugaverð kynning, og kom í ljós að tvö af þremur helstu vandamálunum sem eru enn óleyst eru efnisfræðilega. Þar að auki var sýnt video af flæðimódeli í einum rúmsentímetra af plasmanu. Það tók öflugustu tölvu heims, BlueGene/L viku að reikna keyra þetta módel.
Annars verður þetta frekar hæg helgi... Julian ætlar að elda mat handa okkur í kvöld... síðan bara rólegt annars.

Fyrsta vikan

2008-02-18T14:55:00.003Z

Jæja, þá er fyrstu vikunni lokið og önnur vikan hafin. Fögin virðast mun áhugaverðari en á síðustu önn. Förum yfir nýju fögin:

Advanced Materials Technology - Fjallar um þrjá efnisflokka; Gler, Stál og Fjölliður. Þetta er rosalega áhugaverður áfangi og snýst um eiginleika og framleiðslutækni þessarra efna.
Functional Materials II - Skipt í tvo hluta, rafmagnseiginleika efna annars vegar og seguleiginleika efna hins vegar. Virðist ansi áhugavert fag.
Where to? How Fast? - eða á venjulegu máli Thermodynamics and Kinetics. Mjög skemmtilegir kennarar og virðast þeir ætla að tengja þetta að miklu leiti við önnur fög.

Síðan eru aðrir áfangar sem eru framhald af áföngum á síðustu önn en við skulum ekkert fara í þá frekar.
Síðasta föstudag fórum við Raj og Julian að ganga frá íbúð fyrir næsta ár. Við verðum í nýrri byggingu sem heitir Aspect 3. Því miður þurftum við þó að fara í 4 herbergja íbúð, þannig að við verðum með annan herbergisfélaga. Konan sem verður umsjónamaður byggingarinnar stakk upp á að koma stelpu fyrir hjá okkur, þar sem við töldum henni trú um að við værum ekki fólk sem væri á stanslausu djammi. Það verður áhugavert að sjá hvort stúlkukindin þoli að búa með þremur gaurum... með sjúkan húmor.
Um kvöldið fórum við í mat til Manuelu, og sötruðum öl fram eftir nóttu. Á laugardagskvöldið fórum við Manuela út að borða á afrískum/karabískum veitingastað það var svolítið fyndið þar sem allt var skreitt fyrir Valentínusardaginn, og loftið var farið að minnka í blöðrunum. Um kvöldið fórum við síðan að sötra hvítvín og horfa á Family Guy. Síðan fórum við niður á næstu hæð að drekka með nágrönnum okkar.
Í dag fór ég að hitta Prof. Harding. Hann var rosalega ánægður með verkefnið mitt á síðustu önn og sagði að þetta hefði verið "First", semsagt hæsti einkunnarflokkur. Það eina sem hann setti út á verkefnið er að ég númeraði ekki myndirnar, og notaði kommur á einum stað í útreikningum (þeir nota punkta1/4 = 0.25). Síðan fórum við að spjalla um næsta verkefni. Ég á að skoða svokallað Lennard Jones Model og Verlet algorithm, og líklegast verður það verkefnið mitt. Ég byrja á því að gera þetta í tvívídd og ef það gengur vel fæ ég að yfirfæra það í þrjár víddir. Hins vegar tekur það svo mikla vinnslu þannig að ég get fengið aðgang að 60 Intel Opteron Cluster til að keyra módelið. Allir tölvunarfræðingar ættu að slefa núna. Þetta er þó gamli clusterinn, er ekki nógu mikilvægur fyrir nýja clusterinn. Annars verður þetta spennandi önn.
Núna ætla ég að setja inn nokkrar áhugaverðar staðreyndir sem ég hef lært síðustu viku.

90% af stáltegundum voru hannaðar á síðustu 10 árum
Til þess að gera bestu sverðin þurftu járnsmiðir að nota vatnslausn sem innihélt mikið af kolefni til að kæla sverðið. Þess vegna stungu þeir sverðunum í gegnum þræla og dýr til að kæla þau.
Ástæðan fyrir sífellt hækkandi álverði er það að í sífellt fleiri rafmagnssnúrum er verið að nota ál í stað gamla koparsins. Auk þess eru litlar líkur á því að álið klárist á næstu nokkur þúsund árum
Varmaleiðnifræði (Thermodynamics) er mest hataða fag meðal verkfræðinga.
Á síðustu 2 mánuðum hefur deildin mín fengið 6,7 milljónir punda í rannsóknarstyrki frá fyrirtækjum.

Enn meiri afsakanir

2008-02-13T00:39:00.001Z

Biðst enn einu sinni afsökunnar á þessu bloggleysi. Ég skal núna fara yfir síðustu vikuna.
Mánudagur, síðasta prófinu lauk kl 15:30. Ég Raj, Julian og Manuela fórum út að borða saman. Eftir það fórum við Manuela heim til mín og fórum á hörkufyllerí með sambýlismönnum mínum (Julian og Raj voru að fara í próf). Ópal-skot fram eftir nóttu, og almennt gaman.
Frekar fátt gerðist síðan fram á föstudag. Á föstudeginum fórum við Matt og Ryan til Leeds og Saltaire. Skoðuðum Saltaire og Hockney safnið. Síðan var farið á Whitelocks pöbbinn í Leeds, stofnaður 1705. Við skoðuðum líka the Corn Exchange, áhugaverða byggingu sem minnir helst á loftbelg. Síðan gerðist ekkert fram á sunnudagskvöld. Þá hitti ég nokkra deildarfélaga, og voru veglegar veigar hafðar um hönd. Skólinn byrjaði síðan á mánudaginn. Áfangarnir virðast mun áhugaverðari en á síðustu önn.
Í kvöld hittumst við Manu, Julian, Raj og Yuan (kærasta Raj í heimsókn frá Malasíu). Fórum á pöbb og skemmtum okkur konunglega. Það er gott að vera kominn með hópinn almennilega saman á ný. Síðan er skóli fram eftir viku og síðan verður hörku-gaman hjá okkur á föstudagskvöld þegar við ætlum að elda og skemmta okkur saman.
Annars er lífið bara gott... nóg gaman framundan.

Bloggfríi lýkur

2008-02-01T12:45:00.000Z

Ég vil byrja á að biðjast afsökunnar á bloggleysinu. Þannig standa mál að ég hef verið í prófundirbúningi og prófum síðustu þrjár vikur. Þannig að það hefur nákvæmlega ekkert áhugavert gerst síðan ég kom út. Síðasta mánudag var Structure and Bonding, og ég er viss um að fá yfir 80%. Síðan á miðvikudag var Functional Materials, og er ég nokkuð viss um að fá yfir 70%. Að lokum tók ég stærðfræðipróf í gær og býst ég við yfir 90 á því. Sem betur fer er prófunum að fara að ljúka. Aðeins eitt próf eftir, Stjörnufræði, næsta mánudag. Þangað til er ekkert að fara að gerast. Ég skal því blogga næst á mánudag.

I'm baaaack

2007-12-07T13:16:00.000Z

Biðst afsökunar á því að hafa ekkert skrifað síðustu vikur. Þannig standa mál að ég hef verið á fullu við lærdóminn, og sé varla fyrir endann á því. Ég hef haft nóg að gera að gera skilaverkefni og ganga frá pródéktinu mínu. Sem betur fer þetta að klárast, og þá kemst ég heim í góða matinn hjá Múttu og Ömmu. Því miður hefur ansi fátt gerst á þessu tímbili, þannig að aðeins námstengdar fréttir.
Ég minnist þess að í gamla daga þá gat maður flett upp á netinu þegar maður var í vandræðum með heimalærdóminn. Núna, hinsvegar, gengur slíkt ekkert. Þegar maður flettir upp efni spurninganna fær maður ekkert nema fræðigreinar, sem eru of langar og sérhæfðar til þess að gagnast manni.
Prof Harding er ennþá ánægður með vinnuna á verkefninu mínu. Ég á aðeins eftir að skrifa report fyrir verkefnið og þá verður því lokið.
Ég er kominn með 7 í einkunn í stærðfræði áður en ég hef tekið prófið!!! Þannig standa mál að próf og verkefni á önninni gilda 50% af einkunninni. Þ.a.a. fáum við auka 20% fyrir að klára einfalt aflfræði verkefni. Þannig að ég er kominn með 7, og stefni á að fá 12 í lokaeinkunn, eftir að hafa dúxað prófið.
Að lokum ætlaði ég að skella inn nokkrum myndum sem koma frá verkefninu mínu. Smellið á þær til að sjá þær í fullri stærð
Þetta er svokallað angular deposition myndir. Þar myndast svona hálfgerð "tré" er agnirnar falla, kallað "dendrite arms".

Næsta mynd er svokallað ballistic deposition. Þar mynda "götin" trjákennda strúktúra.
Að lokum er random deposition, annars vegar með "particle settling" og síðan án þess.

Afmæli

2007-11-23T13:13:00.000Z

Þá er önnur vika að líða, og ég sit í leiðinlegast tíma vikunnar. Áfanginn heitir Microstructure and Mechanical properties of materials, og er kenndur af Prof. Matthews (deildarstjóri Engineering Materials). Fyrir utan það að við sitjum áfangann með Aerospace fólkinu, sem þýðir að við erum 100-150, þá er yfirferðin hans svo asnaleg að maður lærir ekkert af því. Hann er maður sem á að halda sig við rannsóknir, og hætta að kenna.
Síðasta miðvikudag átti Julian afmæli. Hann er nú orðinn tvítugur, og við héldum upp á það með glæsibrag. Við gáfum honum þ.a.a. afmælisgjöf, Löwepro Slingshot myndavélatösku. Hann var hæstánægður með hana. Síðan gaf móðir kærustunnar hans honum svítu í London handa þeim yfir þessa helgi. Þar sem þau hittast aðeins á nokkurra mánaða fresti þá verður gaman hjá þeim um helgina. Annars er frekar fátt framundan, bara vinnuhelgi og meiri vinna í næstu viku,

Gaman

2007-11-19T14:12:00.000Z

Voðalega er gaman þegar svona margir kvitta á síðuna!!! Sömuleiðis gaman að heyra frá öðrum Englandsfara. Btw. Kiddi, manstu eftir Ellen/Ellen, manstu eftir Kidda.
Fór, eins og í hverri viku, til Dr. Harding á föstudaginn. Hann hefur umsjón yfir verkefninu mínu, þannig að ég hitti hann vikulega og fer yfir það sem ég hef gert. Ég er búinn að skrifa kóðann fyrir helminginn af verkefninu mínu, og ætti að klára restina í næstu viku. Ég sýndi honum keyrslu á forritinu fyrir "Random deposition" og "ballistic deposition" og sagði hann að hann væri hæstánægður með frammistöðu mína. Síðan nefndi hann að ég ætti að íhuga hvað ég myndi vilja gera eftir áramót, byggja ofan á þetta verkefni eða fara í eitthvað nýtt. Ég sagðist vera til í hvort sem er, en myndi alls ekki afþakka að læra eitthvað nýtt. Hann kom með nokkrar tillögur, en nefndi síðan að það væri reyndar farið nánar í þetta efni á 3 og 4 ári. Múhahaha!!!
Síðan var helgin bara frekar róleg, bara horft á DVD og spilað Wii á kvöldin. Lærði þó yfir daginn. Framundan er algjör verkefnamartröð. Það eru 5 vikur eftir af önninni, og á þeim tíma eru 6 skilaverkefni, 2 próf, 1 ritgerð og náttúrulega skýrsla úr verkefninu mínu. En maður huggar sig bara við það að maður hefur haft það ansi gott hingað til. Þar að auki fer tímunum fækkandi þegar nær dregur jólafríið, þar sem flestir kennararnir ætla sér að klára efnið snemma.

Bloggfrí

2007-11-14T14:32:00.000Z

Það er þónokkuð síðan ég bloggaði síðast, en það hefur þónokkuð gerst síðan þá. Í síðustu viku var skills week. Við hlustuðum á fyrirlestra frá IOM3 og fleirum varðandi okkar fag. Síðan kynntist ég nokkrum eldri nemendum sem höfðu farið í "placement" á síðasta ári. Ansi áhugaverðir guttar. Síðan fórum við í heimsóknir til Corus í Scunthorpe, Guardian Industries í Goole og JRI hér í Sheffield. Það var ansi áhugavert að þeir voru að reyna að "selja" okkur fyrirtækin á fyrsta árinu okkar. Það var verið að tala um möguleg tækifæri hjá fyrirtækjunum og meðallaun. Síðan unnum við hópverkefni, sem ég reyndar gerði nánast einn þar sem hinir stóðu sig ekki í stykkinu. Við enduðum í 3 sæti af 6, sem var ekki svo slæmt því hluti af einkunninni var að allir leggðu eitthvað fram. Síðan kom Palli í heimsókn yfir helgina. Það var haldið smá teiti heima hjá mér á föstudagskvöldinu, og var nóg um drykkju og sora. (Hvað sem Palli segir, þá spillti ég honum ekki, hann gerði það sjálfur). Síðan fórum við á Varsity á laugardagskvöldið og héldum okkar striki áfram. Á sunnudeginum fórum við síðan með John í bíltúr um Derbyshire, til að taka eitthvað af myndum. Þá fékk Palli loksins að sjá að það er meira en bara næturlíf í Sheffield, einnig fögur náttúruverndarsvæði. Síðan sendum við hann til London á Sunnudagskvöldinu. Annars var bara helgin góð, að mínu mati.
Á mánudeginum fór ég síðan og keypti sjónvarp fyrir íbúðina. 37" Samsung frá John Lewis varð fyrir valinu, og kostaði það 649 pund. Það var síðan ansi skondið að þegar ég kíkti á heimasíðu John Lewis í gær var búið að hækka verðið um 100 pund!!!
Annars er fátt planað á næstunni, líklegast bara DVD kvöld um helgina.

2007-11-02T00:26:00.000Z

This one goes out to all the musical mathematicians out there!!!

Hrekkjavaka, og afmæli afa.

2007-10-31T10:25:00.000Z

Vikan er komin vel á veg og tími til að líta á hvað hefur gerst síðan ég bloggaði síðast. Ekkert!!! Það var frekar róleg helgi og síðan hefur það bara verið námið. Hef verið að vinna undirbúningsvinnu fyrir verkefnið, kynna mér formúlur sem kunna að tengjast verkefninu og safna gögnum um hvernig sé best að snúa sér í forrituninni.
Í kvöld er síðan hrekkjavaka og skilst mér að nokkrir af herbergisfélögum mínum hafi ákveðið að halda teiti í íbúðinni okkar, þannig að það verður erfitt að vakna fyrir tímann kl. 9 í fyrramálið. Við sjáum hvernig það gengur annars. Ég er ekki búinn að finna mér búning, en ef allt annað bregst þá klæðist ég bara grænum buxum, hvítri skyrtu og gleraugum og segist vera Peter úr Family Guy. Þið verðið að viðurkenna að við erum ansi líkir.
Í næstu viku verður síðan "Skills Week". Þá vinnum við í hópverkefni og förum í heimsóknir í fyrirtæki, s.s. JRI, Corus og Guardian Glass. Þetta verður líklegast áhugavert en ég hef samt ákveðnar áhyggjur af því að við þurfum að vera mætt kl 8 eða kl 9 alla dagana. I don't do mornings!!!
Blogga meira þegar eitthvað er að frétta.

Skóli, og meiri skóli

2007-10-24T14:48:00.000+01:00

Það hefur verið nóg að gera í þessarri viku og það bíður enn meira. Tók mitt fyrsta próf í gær, og gekk alveg sæmilega. Þetta var stjörnufræðipróf, og var svolítið snúið. Síðan er stærðfræðipróf á morgun, sem er alls ekkert áhyggjuefni.
Ég fékk annars verkefnið mitt í gær. Það heitir "Thin film growth modeling" og snýst um að búa til forrit sem getur módelað hvernig þunnar filmur myndast þegar verið er að sprauta efni undir mismunandi hornum og við mismunandi aðstæður. Þetta er gamalt annars árs hópverkefni sem Prof Harding setti fyrir nemendur þegar hann var að kenna við Imperial College London. Til að byrja með verður þetta gert í tvívídd, en eftir áramót verður verkefnið líklega fært yfir í þrjár víddir.
Annars er fátt að frétta, bara meiri skóli, meiri vinna.

Calm before the storm

2007-10-18T17:54:00.000+01:00

Þetta hefur verið róleg vika, en alvaran byrjar samt í næstu viku. Það eru tvö próf og tvö skilaverkefni, þó ekkert til að hafa áhyggjur af.
Ég fékk líka góðar fréttir í vikunni. Fékk að vita það að þar sem ég þarf mæta í stærðfræðitímana, þá ætla þeir að láta mig vinna verkefni í staðinn. Það er ekki alveg búið að ganga frá því hvað það verður, en það verður einhvers konar stærðfræðilegt líkan af atómum í kristalgrind. Semsagt að taka öll ytri áhrif með í reikninginn. Þetta hljómar allavega mjög spennandi. Fæ væntanlega að vita meira á þriðjudag.
Síðan var ég í mjög skemmtilegum verklegum tíma í dag. Við vorum að "sand-steypa" ál (sand-casting). Set inn myndir af verkefninu mínu á morgun.

P.S. Er kominn með Skype, sigmakappa83

EDIT

Ánægjuleg vika

2007-10-13T13:46:00.001+01:00

Þá er enn ein helgin komin, og vikan liðin. Ég fékk ansi ánægjulegar fréttir í vikunni. Á þriðjudaginn fór ég til Dr. Mole út af stærðfræðinni. Hann lét mig hafa síðasta vorpróf og sagði mér að athuga hvernig mér gengi að leysa það. Ég skilaði því inn á miðvikudaginn og á fimmtudaginn fékk ég tölvupóst. Þar kom fram að ég fékk 114 af 125 stigum í prófinu, og að ég myndi sleppa við að sitja stærðfræðina á þessari og næstu önn. Ég þarf samt að skila inn verkefnum og taka prófin, en það er alls ekkert áhyggjuefni. Síðan ætla yfirboðarar deildarinnar að finna eitthvað sniðugt fyrir mig að gera, til þess að mér leiðist ekki. Annars hefur frekar fátt gerst, og allir verið frekar rólegir. Í gærkveldi eldaði Varun eggja karrí rétt handa okkur. Hann var rosalega góður, en ekkert sérstaklega sterkur. Síðan sátum við Varun og Manuela að drykkju með þremur herbergisfélögum mínum fram á nótt, þó var það frekar rólegt. Í kvöld verður síðan farið á "Into Fiesta" sem er svona alþjóðlegt skemmtikvöld í Octagon Centre. Stóru útlendingahóparnir koma með þjóðarrétti og drykki til að bjóða upp á. Það virðast allir úr Internationals week ætla að mæta þannig að það ætti að vera áhugavert.
Að lokum ætla ég að kvarta smá.

Hvar sem ókunnugir bretar koma saman mynda þeir röð. Það skiptir ekki máli hvort þeir séu að bíða eftir einhverju, þetta er bara svo sterkt í þeim.
Bankakerfið er hrikalega skrítið hérna. Það tekur viku að fá bankanúmerið þitt eftir að þú sækir um reikning. Það tekur aðra vikur til að fá kortið, og þriðju vikuna til að fá PIN númerið. Þetta er sérstaklega skrítið þar sem þú ert með kort sem þú getur ekki notað í viku, áður en þú færð PIN númer. Það er ekki hægt að strauja það neinsstaðar þar sem allar verslanir eru með Chip and Pin posa.
Þú færð kort fyrir hvern einasta reikning. Ég sótti um tvo reikninga, debitkortareikning og savings account, með það í huga að ég gæti skammtað mér peninga af einum inn á hinn. En þeir létu mig fá tvö debit kort, annað er merkt CashCard og hitt Reserve CashCard. Sóun á plasti.
Erlent ökuskírteini er ekki tekið gilt sem staðfesting á aldri. Það þýðir að ég er alltaf með helvítis passann á mér til þess að geta keypt áfengi.
Bílar gefa í þegar þeir sjá manneskju ganga yfir veginn. Þetta er satt. Sérstaklega atvinnubílstjórar. Þegar maður hleypur yfir götuna heyrir maður alltaf í bílum vera að gefa í.

Spánverji

2007-10-07T17:43:00.000+01:00

Þá er fyrstu námsvikunni lokið, og merkilegt nokk tókst mér að lifa hana af. Verð samt að viðurkenna að það var ansi erfitt að koma sér framúr kl 7:30 á miðvikudag og fimmtudag. Búinn að kynnast tveimur kennurum í viðbót, Dr Hyatt sem lítur út fyrir að vera um 25 ára og Prof. Matthews sem er deildarstjóri efnisverkfræði deildar. Það sem hefur komið mér mest að óvart er það hvað allir eru almennilegir. Bjóst fastlega við að kennararnir væru í hálfgerðum fílabeinsturnum, en það er alls ekki svo.
Síðasta föstudag kom kærasta Julian í heimsókn. Hún heitir Miranda og er spænsk. Hún var mjög almennileg á áhugaverð, en merkilegast var þó að persónuleikinn var nákvæmlega eins og persónuleiki Julians. Það var eins og að hafa einn persónuleika í hvoru kyni. Á föstudagskvöldið var áætlunin sú að láta Varun elda, en fékk hann slæman kvebba og treysti sér ekki til að elda. Ég tók það að mér að elda grænmetispastarétt sem var bara skrambi góður. Síðan skelltum við okkur í "afmælispartý" Rich, herbergisfélaga Julians. Frekar fámennt og ómerkilegt, en stóð þar að auki frekar stutt. Eftir það skiptist hópurinn, Miranda og Julian fóru með Rich og félögum í bæinn, meðan Varun, Manuela og ég fórum í partý sem nokkrir úr internationals week voru að halda. Sátum þar langt fram á nótt að spjalla við fólk sem við höfðum ekki séð í tvær vikur. Ég kynntist einnig nokkrum könum og slatta af öðrum. Síðan röltum við V og M heim um fjögurleitið.
Í gærkveldi fórum við út að borða og sátum fram undir miðnætti að spjalla, vantaði bara Manuelu. Vorum á amerískum veitingastað, þar sem japlað var á ekta amerískum steikum.
Þegar ég kom heim ákvað ég samt að gera eitt sem virðist svolítið skrítið. Ég fór að þvo þvott, eftir miðnætti. Þannig standa mál að það er alltaf svo löng bið eftir vélum á daginn, að ég hef frestað því svolítið að þvo þvott. En ég tók bara iPodinn og þvottinn upp í "the Edge", setti í þrjár vélar og sat þar í makindum til 3 um nóttina að þvo þvottinn minn. Núna er semsagt allt orðið hreint og fínt.

2007-10-04T20:43:00.000+01:00

Þá er fyrsta vikan að líða að lokum. Frekar fátt að frétta nema hvað að ég er núna búinn að hitta alla kennarana mína. Flestir tímarnir eru ágætir en stærðfræðin virðist ekkert verða erfiðari. Ég er reyndar búinn að fara í heimsókn til Dr Ojovan, sem stýrir minni gráðu innan deildarinnar, og var hann hæst ánægður með að ég væri sleipur í stærðfræðinni. Hann sagði mér að tala við Dr Niels Mole, yfirmann stærðfræði fyrir verkfræðinga, og semja við hann um hvað ég ætti að gera á önninni. Það verður semsagt næsta skrefið, og geng ég frá því í næstu viku.
Vikan hefur annars verið róleg, fór út að borða í gærkveldi með Julian og Manuela. Fórum við síðan í heimsókn til indversku mafíunnar, og síðan snemma heim. Annað kvöld ætlar Varun að elda ekta indverskan mat handa okkur. Síðan verður líklega kíkt í bæinn.
Smá svona almennt um skólann þessa vikuna. Deildin mín er til húsa í Hadfield byggingunni. Þar er safn sem heitir "The Turner Museum of Glass". Ég hef hangið þar mikið milli tíma, þar sem í safninu er kaffisala og borð. Konurnar í kaffisölunni eru farnar að þekkja mig, þar sem ég hef fengið mér kaffi þar nokkrum sinnum á dag. Það er svolítið sérstakt að sitja þarna með kaffibollann því allir prófessorarnir og kennararnir hanga þar í hléum og spjalla. Þeir eru allir mjög þægilegir og skemmtilegir og hef ég spjallað aðeins við kennarana mína þar.

Í dag hitti ég tutorinn minn, Professor Thomas Schrefl. Hann er merkilega fínn gaur. Ótrúlegt en satt þá gaf hann okkur heimasímann sinn ef ske kynni að við þyrftum að hafa samband. Þetta er sérstaklega merkilegt því prófessorar reyna yfirleitt að komast hjá því að vera tutorar, eða ef þeir neyðast þá reyna þeir að komast hjá öllum samskiptum við nemendur sína.
Smá svona side note um Prof Schrefl. Hann sérhæfir sig í að módela umpólun (já segul) í málmum, og hefur unnið fyrir öll helstu harðadisksfyrirtæki heimsins. Auk þess var hann meðlimur í Fidler hópnum í Vín áður en hann var "keyptur" af USheff.

Barnaskóli

2007-10-01T22:48:00.000+01:00

Fór í bíó með fastahópnum í gærkvöldi. Sáum the Big Lebowski, kostaði heil 50 pens. Síðan var okkur boðið í mat til Siddarth, einum af indversku mafíunni. Það var síðasta kvöld pabba hans í Sheffield, þannig að karlinn eldaði ekta indverskan mat handa okkur. Ekkert smá sterkur, en ótrúlega góður. Áhugavert að hitta gamla karlinn, mjög fínn gaur.
Í dag byrjaði skólinn síðan. Byrjaði á "Structure and Bonding of Materials" klukkan 10. Lítur út fyrir að verða áhugaverður kúrs en kennarinn, Prof. I.M. Reaney, eyddi nánast hálftíma á að útskýra vektora og plön án þess að nefna það réttu nafni.
Klukkan 12 var síðan stærðfræði, sem var mesti brandari sem ég hef nokkurn tímann heyrt um. Kennarinn var að útskýra aðgerðir eins og að leggja saman og draga frá (ekki grín). Undir lok tímans nefndi ég við kennarann að ég væri aðeins lengra kominn í stærðfræðinni. Hún spurði hvert ég væri kominn, og nefndi ég þá stigula, margföld tegur, diffurjöfnur og línulega algebru. Vona bara að ég fái að sleppa kúrsinum, eða taka stöðupróf. Ætla að hitta tutorinn minn á morgun til að ræða þetta.
Annars er bara fátt að gerast á næstunni. Bara skóli alla vikuna og síðan kvöldverður með hópnum á föstudagskvöldið.

Smá upplýsingar

2007-09-30T16:35:00.000+01:00

Ákvað að setja inn tölvupóstfangið mitt og símanúmer.
GSM: 00447515113141
Tölvupóstur: mta07sk (at) shef.ac.uk

Eldamennskan og indverska mafían

2007-09-30T04:39:00.000+01:00

Ég ætlaði að blogga í dag, en það varð því miður aldrei af því. Ég er nú að koma heim eftir langt kvöld (og reyndar nótt) og búinn að skemmta mér vel. Byrjum samt á fimmtudagskvöldinu.
Við Julian fórum í verslunarferð um daginn og keyptum hin ýmsu eldhússtól. Við ákváðum að vígja þau með smá kvöldverðarboði, og buðum því Varun og Manuela í mat heima hjá Julian. Keyptum nauta sirloin og slatta af grænmeti og ætluðum síðan að kaupa góða rauðvínsflösku. Það varð hins vegar ekki af því þar sem ég var ekki með passann minn meðferðis og fór afgreiðslumaðurinn fram á að við sýndum báðir skilríki við áfengiskaupin. Við enduðum því með að fá Varun til að sjá um veigarnar. Eldamennskan var ansi flókin þar sem pottarnir og pönnurnar voru frekar í minni kanntinum fyrir fjóra skammta, en tókst þó að lokum. Maturinn reyndist hinn ágætasti fyrir utan það að kjötið var af lægri gæðaflokki og því ansi gúmmíkennt.
Eftir matinn dróg Manuela okkur heim til vinkvenna sinna í Opal 2 húsaþyrpingunni. (Við höfðum fengið kynnast þeim stelpum á þriðjudaginn síðasta). Satt best að segja þá náðu hóparnir engan veginn saman þar sem þær voru að REYNA að vera svona fágaðar og fínar en við aðeins að skemmta okkur og djóka. Því fór að lokum svo að ég, Varun og Julian stungum af um miðnættið og fórum heim að sofa.
Í kvöld héldu ég, Varun og Julian Die Hard maraþon þar sem við horfðum á þrjár myndir í röð. Við pöntuðum okkur pizzur og drukkum bjór og gos fram undir miðnætti. Tveir indverjar bættust í hópinn fyrir síðustu myndina, Siddartha og Adidthia (alls ekki viss hvort ég skrifi nöfnin rétt). Þegar við ætluðum að halda heim á leið hittum við hóp af indverjum sem voru á leið á djammið. Þeir buðu okkur að slást með í hópinn, og endaði það svo að ég var einn með sannkallaðri indverskri mafíu það sem eftir var nætur. Verð að segja að það er ansi áhugavert að upplifa kvöld sem minnihlutahópur, sérstaklega þar sem þeir skiptu reglulega (og að þeirra sögn óvart) yfir í að tala hindi sín á milli.
Allavega við ætluðum að kíkja á stað sem heitir Nylon, en þegar þangað var komið var ömurleg tónlist í gangi og héldum við því heim til eins þeirra til að halda djamminu áfram. Þar spiluðum við texas hold-em fram á nótt og skemmtum okkur konunglega. Við Varun vorum fyrstir til að tapa öllum spilapeningunum okkar og fórum við því heim um fjögurleitið, en hinir héldu áfram að spila. Vara við að myndin hér að neðan kom ansi illa út, en þetta er semsagt meiri hlutinn af indversku mafíunni.

Veikur :-(

2007-09-27T12:59:00.000+01:00

Var á djamminu á þriðjudagskvöldið, heldurðu ekki að ég vakni ekki bara fárveikur á miðvikudagsmorguninn. Mjög leiðó. Það þýddi að ég missti af deildarkynningunni á miðvikudeginum, sem var ekki nógu gott. Svaf síðan af mér miðvikudag og fór ekki framúr fyrr en á fimmtudagsmorgni. Ekki alveg það sem maður óskar sér á freshers week. Hins vegar er ég allur að batna núna, ennþá hóstandi en samt ekki jafn mikið og áður. Ætla mér síðan að taka því rólega í dag og reyna að koma mér eitthvað út á morgun. Við sjáum hvernig það fer.

Birchen!!!

2007-09-24T20:33:00.000+01:00

Þá er maður fluttur á hina raunverulegu vist, Birchen. Flutti hingað með hjálp Johns á laugardaginn. Komst þá að því að íbúðin er algjört international ghetto. Hér eru tveir kanar, sem ég nefndi áður, Kanadabúi (sem er alltaf á náttfötum og mig grunar að hann hafi ekki farið út fyrir hússins dyr síðan hann flutti inn) og einn gaur frá litháen. Áhugavert að þegar litháinn komst að því að ég væri íslendingur nefndi hann strax að við hefðum verið fyrstir til að viðurkenna sjálfstæði þeirra. Greinilega "big deal" hjá þeim.
Á laugardagskvöldið ætluðum við nokkur á pub crawl. Það tókst ekki betur en svo að á fyrsta staðnum, the West End, var sífellt að bætast nýjir við hópinn. Það þýddi að við vorum þar í þrjá tíma. Þá stungum við Julian, Manuela og Varun niður í bæ á the Frog and Parrot. Tónlistin var svo hávær þar að við entumst bara í einn drykk. Eftir það ætluðum við að fara á The Devonshire Cat en þeir voru að loka, líkt og allir alvöru pöbbar þannig að við fórum bara heim.
Á sunnudaginn hittumst við Julian og Varun á the West End til þess að horfa á rugby. Julian tók að sér að útskýra reglurnar. The All Blacks rústuðu skoska liðinu með miklum mun. Varun ætlar síðan að kenna okkur reglurnar í cricket við tækifæri. Ætli ég þurfi þá ekki að kenna þeim handbolta, eða eitthvað svoleiðis, við tækifæri.
Í dag fórum við síðan á fundi í deildunum okkar. Fyrst hittist öll deildin, semsagt biomaterials-, biomedical-, materials-, polymer engineering og metallurgy í Turner safninu í okkar byggingu. Eftir að hafa þegið kaffibolla var okkur skipt upp í okkar fög og létu þeir mína deild hlaupa upp 10 hæðir til þess að spjalla um valið. Ég hélt að ég myndi lognast útaf eftir það. Jæja við fórum síðan gegnum fögin sem allir þurfa að taka og síðan var verið að ákveða hvað þyrfti að velja. Þá kemur prófessorinn til mín og ég spyr hann hvort sé mælt með einhverju ákveðnu valfagi fyrir mig(sumir þurftu að taka ákveðin valfög). Þá segir hann við mig að þeir hafi sett spurningarmerki við mitt nafn varðandi "balancing chemistry" og "balancing physics" (tossafögin). Ég sagðist nú ekki halda að ég þyrfti að taka það, enda búinn að vera að hjálpa öðrum síðasta árið við þau fög auk stærðfræðina. Hann var sáttur við það svar, sem betur fer. En þá var komið að því hvað skildi velja. Eina sem var "frátekið" fyrir mína deild var medical and dental materials eða tungumál. Mér leist nú á hvorugt og spurðist ég því fyrir hvort ég gæti ekki skráð mig í auka eðlisfræði eða stærðfræði. Mér býðst það sem betur fer en ég þarf að bíða þar til á morgun til að kynna mér þau valfög. Því næ ég ekki að "verða nemandi", semsagt að skrá mig, fyrr en á morgun.
Framundan er semsagt skráning á morgun og síðan verður annar deildarfundur á miðvikudaginn. Þá fæ ég semsagt að kynnast mínum "tutor" og við veljum þá vinnufélaga fyrir verklega tíma. Annars er það bara að hanga með félögunum á kaffihúsum og pöbbum og njóta lífsins.

P.S. Anna og mamma hafa alltaf verið svolítið skrítnar, þannig að það kemur ekkert á óvart að skriftin þeirra skiljist ekki. Annars á ég við sömu vandamál að stríða, en enga hugmynd hver lausnin sé.

P.P.S. Set inn myndir af herberginu og íbúðinni þegar ég hef tekið almennilega til.

2007-09-21T11:59:00.000+01:00

Núna er föstudagur og ég ætti að vera að flytja inn í íbúðina mína. Því miður verður ekki af því í dag þar sem þær eru "ekki tilbúnar". Þeir gera samt ráð fyrir að við getum flutt inn á morgun svo ég er sæmilega sáttur. Ég ætla að flytja til Jóns á eftir og gista þar í nótt. Herbergisins hér á Ranmoor House verður sko ekki saknað. Eins og myndirnar gefa til kynna eru þau ekki upp á marga fiska.

Í kvöld er síðan dinnerinn með öllu fína fólkinu úr háskólanum og borginni. Mér skilst meira að segja að borgarstýran verði viðstödd.
Þetta er nóg í bili. Blogga næst þegar ég er kominn í íbúðina í Birchen

2007-09-19T17:10:00.001+01:00

Vá hvað maður er nú duglegur. Ný bloggfærsla strax!!!
International Orientation heldur áfram en sem betur fer þekki ég borgina nógu vel til að sleppa sumu af þessu "krappi" sem er í boði. Ég er samt kominn í góðra vina hóp og erum við yfirleitt að hanga saman. Ég skal fara yfir félagana núna, en er samt ekki kominn með myndir af öllum.
Við byrjum á honum Julian. Hann er þjóðverji eins og nafnið gefur til kynna en býr í Schaffhausen í Sviss. Hann er af vel efnuðu fólki og lifir verulega góðu lífi. Pabbi hans á eitthvað fyrirtæki í Sviss. Hann hefur búið síðustu sex ár í heimavist í Þýskalandi. Við virðumst ná ansi vel saman og höfum haldið liðið ansi mikið bæði á garðinum og í bænum. Julian er að læra Medical Systems engineering
Síðan er komið að honum Varun. Mjög fínn indverji sem hefur hangið með okkur á pöbbunum. Hann er frá "þurru fylki" á Indlandi og ætlar því að nýta háskólaárin í að skemmta sér konunglega. Ég held að hann sé að taka vélaverkfræði.

Næst er síðan Manuela Lohs frá Þýskalandi. Mjög fín stelpa en virðist svolítið lokuð. Hún reynir alltaf að bæla niður hláturinn þegar við erum að skemmta okkur, en það gengur vel að redda því.
Síðan er það Raj frá indlandi. Hann er algjört barn í sér en samt skemmtilegur. Hann fór í sitt fyrsta partý í gærkvöldi (með okkur öllum). Við ætluðum að fá hann til að drekka duglega en því miður gafst hann upp á því eftir tvo bjóra.
Ég nenni ekki að skrifa meira, þ.a.
Reza frá Íran og Ahmed frá Saudi Arabíu

Fyrsta bloggfærslan

2007-09-18T19:03:00.000+01:00

Jæja, núna er ég búinn að vera í Sheffield í nokkra daga. Reyndar aðeins þrjá á garði. Ég er að taka þátt í International Orientation, þannig að við erum öll sett saman í Ranmoor House. Það er gamall og ömurlegur garður sem á að rífa um áramótin. Ég er búinn að kynnast helling af nýju fólki, en hef mest hangið með þýskurunum. Það er fjandi mikið af þjóðverjum að læra hérna, þótt Asíubúarnir séu mannmestir.
Sá sem ég hef kynnst mest af öllum heitir Julian Fritz og er Þjóðverji/Svisslendingur. Sérstakur en mjög fínn gaur. Set inn mynd af honum síðar.
Það hefur allt gengið að óskum hingað til, nema hvað að ég komst að því rétt áðan að ég verð í herbergi með tveimur helv**** könum. Annar lítur út eins og 15 ára mömmustrákur og hinn eins og versti hasshaus. Geri ekki ráð fyrir að ég hangi mikið með þeim í framtíðinni.
Framundan er heilmikið djamm í kvöld og fram undir morgun. Síðan er morgundagurinn frekar opinn. Á föstudaginn flytjum við síðan af þessum garði og á þá sem við verðum á það sem eftir er árs. Það kvöld er síðan "black tie" dinner með öllum stórlöxunum í skólanum.
Læt heyra meira í mér síðar í vikunni